Т.Бадамжунай нарт холбогдох хэргийг өчигдөр буюу дөрөвдүгээр сарын 17-ны өдөр хяналтын шатны шүүхээр хэлэлцлээ. Учир нь шүүгдэгчдийн өмгөөлөгч нар эсэргүүцэл бичсэн. Энэ дагуу, эсэргүүцлийг хүлээн авах эсэхийг өчигдөр хэлэлцсэн юм. Улмаар, хүлээж авахгүй байхаар шийдвэрлэжээ. Өмнө нь Т.Бадамжунайн хэргийг Ц.Анандбазарынхаас тусгаарласан нь буруу гэж шүүх үзсэнээр нэмэлт мөрдөн байцаалт хийлгэхээр НПГ-т буцаагаад байсан. Энэ шийдвэрийг давж заалдах шатны шүүх ч баталгаажуулсан. Гэсэн ч үүнийг эсэргүүцэн шүүгдэгчдийн өмгөөлөгч нар эсэргүүцэл бичсэн бөгөөд улмаар УДШ-ийн Эрүүгийн хэргийн танхимын нийт шүүгчид өчигдөр хуралдан, давж заалдах шатны шийдвэрийг хэвээр үлдээжээ.  Өөрөөр хэлбэл, шүүх Т.Бадамжунай нарын хэргийг тусгаарласан нь буруу гэж эцсийн байдлаар тогтоолоо. Иймд цаашид Т.Бадамжунайн хэргийг Ц.Анандбазартай нэгтгэн шалгахаар болж байна.

ХОЛБОГДОХ ХАВСРАЛТУУД: 

https://surag.mn/article/245

https://surag.mn/article/3352