PUBGM төрлийн Зүүн Азийн мэргэжлийн лигийн аварга шалгаруулах тэмцээний зургаадугаар улирлын тоглолтууд өчигдөр өндөрлөв.

Тус мэргэжлийн лигт 20, шувтаргын шатанд 16 баг гурван өдөр 18 удаагийн тоглолт хийснээр аваргаа шалгарууллаа.

Монгол Улсын "Godlike Stalwart esports" баг тус бүсийн мэргэжлийн лигт хоёр дахь удаагаа түрүүллээ.

Монголын NB esports хоёрдугаар, 4 Merical vibes гуравдугаар, Mabatex зургаадугаар, IHC esports наймдугаар байрт тус шалгарсан амжилттайгаар мэргэжлийн лигийн 2023 оны хаврын улирлыг дуусгасан байна. 

Godlike Stalwart esports багийн тоглогч А.Бүрэнбаяр буюу TOP тус мэргэжлийн лигийн үнэ цэнтэй тоглогчоор хоёр дахь удаагаа шалгарав. 

Манай улсаас нийт найман баг мэргэжлийн лигт өрсөлдсөн бөгөөд аваргын шатанд долоон баг оролцож, дараагийн тэмцээн буюу Зүүн Азийн аваргад оролцох эрхийг таван баг авлаа. 

Тус лигийн эхний 12 байрт шалгарсан багууд Пакистан улсын мэргэжлийн лигийн найман багтай Зүүн Азийн аваргын төлөө өрсөлдөх бөгөөд түрүүлсэн баг нь зуны дэлхийн аварга буюу "PMWI"-д оролцох эрхийг авна.