Б.ГОНЧИГСҮРЭН АЗИЙН НААДМЫН МӨНГӨН МЕДАЛЬТАН БОЛЛОО

“Ханжоу 2022” Азийн Наадмын жүдо бөхийн -100 кг-ын жинд Хилчин спорт хороо, "New Arig US" компаний тамирчин Батхуягийн Гончигсүрэн мөнгөн медаль хүртлээ. Тэрбээр Узбекистаны жүдоч Туробоев Музаффарбектэй барилдаж иппон үнэлгээгээр ялагдсан.

А.АДЪЯАСҮРЭН ХҮРЭЛ МЕДАЛЬ ХҮРТЛЭЭ

Азийн наадмын жүдо бөхийн төрлийн сүүлийн өдөр эмэгтэйчүүдийн +78 кг-ын жинд Алдар спорт хорооны тамирчин ОУХМ Амарсайханы Адъяасүрэн хүрэл медаль хүртэв.

Манай жүдоч хагас шигшээд ДАШТ-ий мөнгөн медальт БНСУ-ын Ким Хаюүнд ялагдаж хүрэл медалийн төлөө барилдхаар болсон. Тэгвэл сая Энэтхэгийн жүдоч Маан Туликатай медалийн төлөө барилдаж нэмэлт цагт иппон үнэлгээ авснаар “Ханжоу 2022” Азийн Наадмын хүрэл медаль хүртлээ.

МОНГОЛЫН 3Х3 САГСАН БӨМБӨГИЙН ЭРЭГТЭЙ ШИГШЭЭ ЭХНИЙ ХОЖЛОО БАЙГУУЛАВ

Монголын 3х3 сагсан бөмбөгийн эрэгтэй шигшээ эхний тоглолтоо хийлээ. Йорданы эсрэг хийсэн энэхүү тоглолтод Монголын 17-13 гэсэн харьцаатай эхний ялалтаа байгуулав.

Ийнхүү Монголын 3х3 сагсан бөмбөгийн эрэгтэй, эмэгтэй шигшээ багууд наадмаа хожлоор эхлүүллээ. Өнөөдөр эрэгтэй шигшээ баг Тайванийн эсрэг тоглох бол эмэгтэй шигшээ баг Йорданы эсрэг тус тус тоглоно.