Үндэсний баяр наадмыг зохион байгуулах хороо өнөөдөр /2023.09.27/ хуралдаж, Улсын арслан М.Бадарчийн цолыг хурааж, барилдах эрхийг дөрвөн жилээр хасах саналыг Ерөнхийлөгчид өргөн барьсан байна. Үндэсний их баяр наадмын Бөхийн салбар хороо өчигдөр хуралдаж энэхүү саналыг гарган Үндэсний баяр наадмыг зохион байгуулах хороонд ирүүлсэн аж.
Одоо эл асуудал Үндсэний их баяр наадмын тухай хуулийн дагуу дараах процессоор шийдвэрлэгдэнэ.
18.5.Энэ хуулийн 14.2-т заасан шинжилгээгээр бөх, сурын харваач допинг хэрэглэсэн нь тогтоогдсон бол тухайн баяр наадамд олгосон цол, чимэг, байрыг хурааж, тухайн даваанд унасан бөх, удаалсан сурын харваачид улсын цолыг нөхөн олгох саналыг зохион байгуулах хороо Монгол Улсын Ерөнхийлөгчид гаргана.
18.6.Монгол Улсын Ерөнхийлөгч энэ хуулийн 18.5-д заасан саналыг хүлээж авснаас хойш 7 хоногийн дотор улсын цол, байрыг олгохгүй байх, эсхүл хасах, эсхүл нөхөн олгох шийдвэр гаргана.
18.9.Энэ хуулийн 18.4-т заасан шийдвэр гарсан бол тухайн даваанд унасан бөх, удаалсан сурын харваачид улсын цол, чимгийг нөхөн олгоно.
ИЙНХҮҮ ӨВӨРХАНГАЙ АЙМАГ Ц.БЯМБА-ОТГОН ХЭМЭЭХ АРСЛАНТАЙ БОЛЖ БАЙНА