2024 оны чөлөөт, сонгомол бөхийн Ази тивийн аварга шалгаруулах тэмцээн өнөөдөр Киргизстаны нийслэл Бишкек хотноо эхэлнэ. Өнөөдөр бөхийн чөлөөт барилдаанаар Азийн аварга хөшгөө нээж байгаа юм. Азийн аварга шалгаруулах тэмцээний эхний өдөр буюу өнөөдөр эрэгтэйчүүдийн 57, 65, 70, 79, 97 кг-ын барилдаан болно. Дээрх таван жинд манай улсаас 57 кг-д З.Занабазар, 65 кг-д Т.Тулга, 70 кг-д Ц.Чинзориг, 79 кг-д Э.Бямбадорж, 97 кг-д Ө.Батзул нар дэвжээнд гарна. Тус хотод энэ сарын 19-21-ны мөн Ази тивийн олимпын эрх олгох тэмцээн болно. Монголын чөлөөт бөхийн шигшээ баг тамирчид томоохон бүрэлдэхүүнтэй Киргизстан улсыг ээлжлэн зорьж байгаа юм. Учир нь энэ жилийн хувьд бөхийн сонгомол барилдааны шигшээ баг байгуулагдаж анхны олон улсын тэмцээндээ баг тамирчдаа өрсөлдүүлэх билээ. Xflff